Sinfóníuhljómsveit áhugamanna var stofnuð haustið 1990 og hefur starfað óslitið síðan. Í hljómsveitinni leika hljóðfæraleikarar sem flestir hafa atvinnu af öðru. Hún er einnig vettvangur nemenda og tónlistarkennara til að iðka tónlist. Hljómsveitina skipa að jafnaði 40-60 manns, en miklu fleiri hafa leikið með henni í lengri eða skemmri tíma. Starfið er ólaunað. Fjöldi þekktra, íslenskra einleikara og einsöngvara hefur komið fram með hljómsveitinni og hún hefur átt samstarf við marga kóra. Sveitin heldur 5-7 tónleika á ári, en auk þess kemur hljómsveitin fram við ýmis tækifæri. Hljómsveitin hefur gefið út þrjá hljómdiska með leik sínum og einnig tekið þátt í gerð kvikmynda. Aðalstjórnandi og listrænn leiðtogi hin síðari ár er Oliver Kentish.
Starfsárið er frá september til maí. Æft er á þriðjudagskvöldum í Seltjarnarneskirkju frá 19:30 - 22:00. Ef þú hefur áhuga á að taka þátt máttu endilega hafa samband
Starf/menntun: Talmeinafræðingur
Tónlistarnám: Byrjaði 10 ára í Barnamúsikskólanum. Síðan í Tónlistarskólann í Reykjavík, píanó, selló og söngur.
Með SÁ síðan: 2000
Starf/menntun: Náms - og starfsráðgjafi
Tónlistarnám: Hóf fiðlunám í Tónskóla Sigursveins um níu ára aldur. Þar stundaði hún nám fram undir tvítugt hjá ýmsum kennurum en lengst af hjá Önnu Rögnvaldsdóttur. Síðan tók hún upp þráðinn eftir nokkurra ára hlé og lærði á fiðlu í eitt ár hjá Hlíf Sigurjónsdóttur í Tónskóla Sigursveins.
Með SÁ síðan: 2007
Starf/menntun: Veðurfræðingur á Veðurstofu Íslands og RÚV.
Tónlistarnám: Hóf tónlistarnám 5 ára í Tónlistarskólanum í Garði, og spilaði á fiðlu frá 7 ára aldri. Skipti fiðlunni út fyrir víólu 18 ára eftir að hafa uppgötvað hatur sitt á e-strengnum. Útskrifaðist af tónlistarbraut Menntaskólans á Akureyri en fór svo til náms í víóluleik og veðurfræði við Háskólann í Oklahóma þar sem veðurfræðin varð ofaná.
Með SÁ síðan: 2014
Langi þig að taka þátt eða hafir einhverjar spurningar
Æfingar fara fram í Seltjarnarneskirkju.
