Hljómsveitin var stofnuð haustið 1990 og hefur starfað óslitið síðan.
Ingvar Jónasson var listrænn leiðtogi hljómsveitarinnar allt frá upphafi til ársins 2005 en þá tók Oliver Kentish við sem aðalatjórnandi. Aðrir stjórnendur hafa einnig komið við sögu og stjórnað tónleikum eða einstökum verkum.
Hér má lesa um aðdraganda að stofnun hljómsveitarinnar og hljómsveitarstarfið - ritgerð Súsönnu Friðriksdóttur skrifuð í maí 2009. Sinfóníuhljómsveit áhugamanna
Æfingar eru eitt kvöld í viku, starfsárið er frá september til maí.
Hljómsveitin hefur sótt flest viðfangsefni sín til klassíska tímans, en einnig hafa verið tekin til flutnings nýrri verk. Hún hefur frumflutt fjölmörg íslensk verk.
Hljómsveitin hefur átt samstarf við marga kóra og flutt smærri og stærri verk fyrir kór og hljómsveit.
Fjöldi þekktra, íslenskra einleikara hefur komið fram með hljómsveitinni.
Í hljómsveitinni leika hljóðfæraleikarar sem flestir hafa atvinnu af öðru. Hún er einnig vettvangur nemenda og tónlistarkennara til að iðka tónlist og viðhalda færni sinni.
Hljómsveitina skipa að jafnaði 40-50 manns, en alls hafa meira en 200 manns leikið með henni. Starfið er ólaunað.
Stjórn sveitarinnar skipa Páll Einarsson formaður, Kjartan Guðnason gjaldkeri, Guðrún Másdóttir, Sverrir Guðmundsson og Páll Ingvarsson.
